Առողջապահության թվային փոխակերպման հեռանկարները՝ ArmDigiHealth 2026 համաժողովի առանցքում

Սեպտեմբերի 29-ին «Իբիս Երևան Կենտրոն» հյուրանոցում տեղի է ունեցել ArmDigiHealth 2026 համաժողովը, որին մասնակցել են առողջապահության ոլորտի պետական կառույցների, մասնագիտական համայնքի և նորարարական ընկերությունների ներկայացուցիչներ՝ քննարկելու թվային առողջապահության զարգացումը, նոր տեխնոլոգիաների կիրառումն ու Հայաստանի առողջապահական համակարգի փոխակերպման հեռանկարները։

Համաժողովին ելույթով հանդես է եկել Առողջության համընդհանուր ապահովագրության հիմնադրամի գլխավոր տնօրենի պաշտոնակատար Հայկ Բաբայանը։ Նա ներկայացրել է Հայաստանում առողջության համընդհանուր ապահովագրության համակարգի գործարկման առաջին ութ ամիսների հիմնական արդյունքներն ու վիճակագրական տվյալները՝ անդրադառնալով ապահովագրական ծածկույթի ընդլայնմանը, համակարգից օգտվող շահառուների դեմոգրաֆիական վերլուծությանը, բժշկական ծառայությունների օգտագործման և դեղորայքի փոխհատուցման ցուցանիշներին, ինչպես նաև համակարգի գործունեության ընթացքին։

ArmDigiHealth 2026-ը ստեղծել է կարևոր հարթակ առողջապահության թվային փոխակերպմանն առնչվող փորձի և գաղափարների փոխանակման, նորարարական մոտեցումների քննարկման և ոլորտի հետագա զարգացման ուղղությունների ձևավորման համար՝ նպաստելով ավելի ժամանակակից, տվյալահեն և արդյունավետ առողջապահական համակարգի կայացմանը։