Ծրագրի գործարկման առաջին փուլով 200,001 ՀՀ դրամ և ավելի աշխատավարձ ստացող բոլոր քաղաքացիներն ընդգրկվում են առողջության համընդհանուր ապահովագրության համակարգում։ Այս դեպքում աշխատողների համար ապահովագրավճարը փոխանցում է գործատուն՝ հանդես գալով որպես հարկային գործակալ։ Աշխատողը որևէ լրացուցիչ գործողություն կատարելու կարիք չունի։

Բոլոր 18 տարեկանից ցածր երեխաները ապահովագրված են պետական բյուջեի միջոցներով։ Սա տարածվում է նաև հիմնական կրթության համակարգում ընդգրկված ուսանողների վրա։

65 տարին լրացած բոլոր քաղաքացիներն ապահովագրված են պետական բյուջեի միջոցներով։ Նրանց համար ապահովագրավճարը լրիվ վճարվում է պետության կողմից։

– ֆունկցիոնալության համապատասխանաբար խորը, ծանր, միջին աստիճանի սահմանափակումով հաշմանդամություն ունեցող անձինք և հաշմանդամության 1-ին, 2-րդ, 3-րդ խումբ ունեցող անձինք. – Չեռնոբիլի ատոմակայանի վթարի վերացման աշխատանքների մասնակիցներ. – հաշմանդամության զինվորական կենսաթոշակ ստացող նախկին զինծառայողներ. – հաշմանդամություն ունեցող երեխայի ծնողներից մեկը, որդեգրողը, խնամակալը կամ հոգաբարձուն. – Հայրենական մեծ պատերազմի վետերաններ և նրանց հավասարեցված անձինք, բռնադատվածներ․ - 2016 թվականի ապրիլյան և 2020 թվականի սեպտեմբերի 27-ից սկսված պաշտպանական մարտական գործողություններին մասնակցած, մարտական հերթապահություն, հատուկ առաջադրանք կամ ծառայողական պարտականություններ իրականացնելու ընթացքում զոհված (մահացած), անհայտ կորած կամ դատական կարգով անհայտ բացակայող կամ մահացած ճանաչված, ինչպես նաև նշված հանգամանքներում ստացած վնասվածքի, խեղման կամ հիվանդության պատճառական կապով հետագայում մահացած անձանց ընտանիքի անդամները – ընտանիքի անապահովության միավոր կամ աստիճան ունեցող ընտանիքի անդամը՝ Կառավարության որոշմամբ սահմանված դեպքերում և կարգով.

Անհատ ձեռնարկատերերը և նոտարները, ովքեր ունեն 2,400,001 դրամ և ավել համախառն եկամուտ, կարող են հաշվառվել ապահովագրության համակարգում՝ ներկայացնելով իրենց եկամուտների վերաբերյալ տեղեկատվություն։ Ապահովագրավճարը հաշվարկվում է նրանց հայտարարագրված եկամտի հիման վրա։