Այստեղ կարող եք ծանոթանալ ապահովագրական փաթեթում ընդգրկված սքրինինգային ծրագրերին, հասկանալ՝ որ ծրագիրն է նախատեսված Ձեզ համար և երբ է անհրաժեշտ դիմել հետազոտության։ Էջում ներառված են նաև ինքնագնահատման ինտերակտիվ հաշվիչներ՝ սրտանոթային հիվանդությունների և շաքարային դիաբետի ռիսկը գնահատելու համար։
Սքրինինգը ախտորոշում չէ։ Այն օգնում է ժամանակին հայտնաբերել հնարավոր ռիսկը և որոշել՝ արդյոք պետք է լրացուցիչ հետազոտություն կամ բժշկի խորհրդատվություն։
Ծրագիրը նախատեսում է թվային մամոգրաֆիա, կրկնակի ընթերցում և BI-RADS դասակարգմամբ արդյունքների գնահատում։
Սքրինինգային հետազոտությունը կատարվում է Մարդու պապիլոմավիրուսի հայտնաբերման ՊՇՌ (պոլիմերազային շղթայական ռեակցիա) թեստավորման եղանակով, բացասական արդյունքի դեպքում՝ 5 տարի պարբերականությամբ։
Ծրագիրը ներառում է սրտանոթային և շաքարային դիաբետի ռիսկի գնահատում, հիմնական չափումներ և անհրաժեշտության դեպքում լրացուցիչ հետազոտությունների ուղղորդում։
Ծրագրերի մեծ մասը կազմակերպվում է նույն տրամաբանությամբ՝ հրավերից մինչև արդյունքների հաղորդում և հետագա քայլերի որոշում:
Իրավասու անձը ստանում է տեղեկացում զանգով, հաղորդագրությամբ, էլեկտրոնային եղանակով կամ բուժաշխատողի միջոցով, ինչպես նաև կարող է ծրագրի մասին տեղեկանալ այլ աղբյուրներից հանրային իրազեկման տարբեր հարթակների միջոցով։
Սահմանվում է այցի օրը և վայրը՝ ինքնուրույն կամ բուժհաստատության աջակցությամբ:
Լրացվում է համապատասխան հարցաշարը, կատարվում է չափումը, լաբորատոր կամ պատկերային հետազոտությունը։
Արդյունքները մուտքագրվում են տեղեկատվական համակարգ:
Մարդը ստանում է իր արդյունքը և անհրաժեշտ բացատրությունը:
Եթե հետազոտության արդյունքում ռիսկը գնահատվում է բարձր, կազմակերպվում է լրացուցիչ հետազոտություն կամ մասնագետի այց։
Ծրագիրը վերահսկում է ընդգրկվածությունը, արդյունքները և հետագա քայլերի իրականացումը:
Սքրինինգներ․ կարճ պատասխաններ ամենահաճախ տրվող հարցերին։
Այո՛։ Սքրինինգային հետազոտությունների նպատակն է հնարավորինս վաղ փուլում հայտնաբերել հիվանդությունները կամ դրանց ռիսկի գործոնները, երբ դրանք դեռևս չեն արտահայտվել ախտանշաններով։ Վաղ հայտնաբերումը հնարավորություն է տալիս ժամանակին սկսել անհրաժեշտ հսկողությունը կամ բուժումը և կանխել հիվանդության հետագա զարգացումը։
Յուրաքանչյուր սքրինինգային ծրագրի համար սահմանված են շահառուների հստակ խմբեր։ Տեղեկանալու համար, թե արդյոք տվյալ ծրագրի շահառու եք, կարող եք ծանոթանալ ծրագրի նկարագրությանը հիմնադրամի կայքի «Սքրինինգներ» բաժնում։
ԱՀԱ փաթեթում ներառված սքրինինգային ծրագրերը նախատեսված են տարբեր հիվանդությունների և առողջական խնդիրների վաղ հայտնաբերման համար։ Ներկայումս իրականացվում են՝ • արգանդի պարանոցի քաղցկեղի կանխարգելման նպատակով մարդու պապիլոմավիրուսի (ՄՊՎ) հայտնաբերման ՊՇՌ մեթոդով թեստավորում, • կրծքագեղձի քաղցկեղի կանխարգելիչ մամոգրաֆիկ հետազոտություն, • մեծահասակների կանխարգելիչ հետազոտություններ՝ սիրտ-անոթային հիվանդությունների և շաքարային դիաբետի ռիսկի գնահատման համար:
