Հայտարարություն սոցիալական փաթեթի շահառու կազմակերպությունների տնօրենների համար

Հայաստանի Հանրապետության կառավարության 2012 թվականի դեկտեմբերի 27–ի թիվ 1961–Ն որոշման համաձայն ապահովագրավճար վճարող սոցփաթեթի շահառուն իրավունք ունի դիմում ներկայացնելու սոցփաթեթի գումարի փոխանցման համար պատասխանատու ստորաբաժանում՝ իրեն հասանելիք սոցփաթեթի գումարները (ամսական 6000 ՀՀ դրամի չափով) սահմանված կարգով Առողջության համընդհանուր ապահովագրության հիմնադրամին փոխանցելու համար։ Սոցիալական փաթեթի շահառուները դիմումը ներկայացնում են մեկ անգամ՝ հաջորդ 12 ամիսների համար:

Միևնույն ժամանակ, գործատուն պարտավորվում է ՀՀ բանկերին տեղեկացնել, որ սոցփաթեթի տվյալ շահառուները իրենց գումարները ուղղում են առողջության համընդհանուր ապահովագրության համար ապահովագրավճարի վճարմանը և հավելյալ տեղեկանքներ չպահանջել՝ սոցփաթեթի այլ ուղղություններով ծախսեր հաստատելու համար։

Գործատուները, դիմումը ներկայացրած սոցիալական փաթեթի շահառու հանդիսացող անձանց համար, իսկ դիմում չներկայացրածները՝ ինքնուրույն, առողջության համընդհանուր ապահովագրավճարի մասնակի վճարումը կատարում են 900018010471 հաշվեհամարին՝ պարտադիր նշելով կազմակերպության (գործատուի) ՀՎՀՀ-ն (Հարկ վճարողի հաշվառման համար), ինչպես նաև վճարումը կատարող անձանց ՀԾՀ-ն (Հանրային ծառայությունների համարանիշ): Վճարում կատարելիս նպատակ դաշտում պետք է նշել՝ «Առողջության համընդհանուր ապահովագրավճար»։