Առողջության համընդհանուր ապահովագրության հիմնադրամի Պայմանագրերի, մեթոդաբանության և որակի կառավարման բաժնի ղեկավար Տիգրան Հովհաննիսյանը և հիմնադրամի ուսուցման թիմն անցկացրել են առկա ձևաչափով վերապատրաստում Սյունիքի և Վայոց ձորի մարզերի բժշկական կենտրոնների ներկայացուցիչների համար։
Վերապատրաստման հիմնական թեմաներն էին առողջության համընդհանուր ապահովագրության համակարգի շրջանակում փոխհատուցման կարգը և սահմանափակումները։
Յուրաքանչյուր հանդիպում մասնակիցներին հնարավորություն է տվել կիսվելու իրենց՝ ԱՀԱ համակարգի գործարկման շրջանակներում ձեռք բերած փորձառությամբ, քննարկելու աշխատանքային գործընթացում հանդիպող տարաբնույթ իրավիճակներ և ստանալու իրենց հետաքրքրող հարցերի պատասխանները։
Նմանատիպ հանդիպումները շարունակական բնույթ են կրելու և առաջիկայում կանցկացվեն Հայաստանի Հանրապետության բոլոր մարզերում։