Թափուր հաստիքներ

Նկարագրություն

Թվային բովանդակության պատասխանատուն ստեղծելու է կազմակերպության մարքեթինգային և թվային բովանդակությունը, տարածելու այն և գնահատելու արդյունավետությունը։ Պաշտոնը ենթադրում է ինչպես ստեղծագործական, այնպես էլ գործնական աշխատանք՝ գաղափարի մշակումից և նկարահանումից մինչև մոնտաժ և հրապարակում։

Աշխատանքային պարտականություններ

• Մասնակցել ամսական և արշավային բովանդակության պլանների մշակմանը։
• Ստեղծել կարճ և միջին տևողության տեսանյութեր՝ Instagram, Facebook, TikTok, YouTube և այլ հարթակների համար։
• Մշակել տեսանյութերի սցենարներ, կառուցվածք և հիմնական հաղորդագրություններ։
• Ստեղծել պարզ գրաֆիկական և անիմացիոն բովանդակություն։ Անհրաժեշտության դեպքում կազմակերպել և իրականացնել նկարահանումներ։
• Լուսանկարել միջոցառումներ, մասնագետներ, աշխատակիցներ և այլ անհրաժեշտ նյութեր։
• Ինքնուրույն իրականացնել տեսանյութերի մոնտաժ՝ նախնական նյութերի ընտրությունից մինչև վերջնական տարբերակի պատրաստում։
• Աշխատել ձայնի հետ՝ կատարել ձայնի մաքրում, հավասարակշռում և անհրաժեշտ հիմնական մշակում։ Ընտրել և համապատասխանեցնել երաժշտություն, ձայնային էֆեկտներ և այլ աուդիո տարրեր։
• Կիրառել պարզ անիմացիաներ, motion graphics և տեսողական էֆեկտներ։
• Ապահովել կազմակերպության բրենդային ոճի, գույների, տառատեսակների, լոգոյի և այլ վիզուալ ստանդարտների պահպանումը։

Անհրաժեշտ հմտություններ

• Բարձրագույն կրթություն՝ մարքեթինգի, հաղորդակցության, PR-ի, գովազդի, մեդիայի, դիզայնի կամ հարակից ոլորտներում։
• Առնվազն 3 տարվա աշխատանքային փորձ թվային բովանդակության, վիդեոարտադրության կամ հարակից ոլորտներում։
• Տեսանկարահանման և լուսանկարչության հիմնական սկզբունքների իմացություն։
• Canva, Adobe Photoshop/ Adobe Illustrator ծրագրերի իմացություն
• Adobe Premiere Pro կամ DaVinci Resolve ծրագրերի իմացություն
• CapCut , Adobe After Effects ծրագրերի իմացություն

Նկարագրություն

Մարքեթինգի մասնագետը պատասխանատու է լինելու կազմակերպության հանրային իրազեկման միջոցառումների պլանավորման, իրականացման և արդյունավետության գնահատման համար՝ նպատակ ունենալով բարձրացնել հանրության իրազեկվածությունը, ներգրավվածությունը և վստահությունը կազմակերպության, դրա ծառայությունների և ծրագրերի նկատմամբ։ Պաշտոնը ներառում է ռազմավարական և գործառնական մարքեթինգային աշխատանքներ՝ ներառյալ մարքեթինգային արշավների մշակում, թիրախային լսարանների ուսումնասիրություն, թվային մարքեթինգ, բովանդակության պլանավորում, արդյունքների վերլուծություն և ներքին ու արտաքին գործընկերների հետ աշխատանք։

Աշխատանքային պարտականություններ

• Մշակել և իրականացնել կազմակերպության ծրագրերի և ծառայությունների վերաբերյալ իրազեկվածության և օգտագործման խթանմանն ուղղված մարքեթինգային արշավներ։
• Մշակել արշավների հայեցակարգեր, հիմնական հաղորդագրություններ, կիրառվող հաղորդակցության ալիքներ, ժամանակացույցեր և բյուջեներ։
• Պլանավորել և համակարգել առողջության ապահովագրության, առողջապահական ծառայությունների, կանխարգելիչ ծրագրերի և այլ առաջնահերթ թեմաների վերաբերյալ հանրային իրազեկման և կրթական արշավներ։
• Համակարգել թվային բովանդակության, տեսանյութերի, սոցիալական մեդիայի նյութերի, արտաքին գովազդի, տպագիր նյութերի և այլ հաղորդակցական նյութերի ստեղծումն ու տարածումը։ Համակարգել մարքեթինգային նյութերի ստեղծման գործընթացը՝ ապահովելով դրանց համապատասխանությունը հաստատված նպատակներին, հիմնական հաղորդագրություններին և բրենդի չափանիշներին։
• Վերահսկել արշավների իրականացումը՝ ապահովելով հաստատված պլանների և ժամկետների պահպանումը։
• Աջակցել հանրային միջոցառումների, իրազեկման նախաձեռնությունների, ցուցահանդեսների, համաժողովների և այլ միջոցառումների մարքեթինգային բաղադրիչի կազմակերպմանը։
• Անհրաժեշտության դեպքում համակարգել մարքեթինգային միջոցառումները առողջապահական կազմակերպությունների, պետական մարմինների, հասարակական կազմակերպությունների և այլ գործընկերների հետ։
• Բացահայտել գործընկերային և համատեղ իրազեկման արշավների իրականացման հնարավորությունները։
• Գնահատել իրականացված արշավների արդյունավետությունը և առաջարկել բարելավման միջոցառումներ։
• Անհրաժեշտության դեպքում իրականացնել և օպտիմալացնել վճարովի թվային գովազդային արշավներ։
• Հետևել թվային ցուցանիշներին, այդ թվում՝ հասանելիությանը, ներգրավվածությանը, կայքի այցելություններին, փոխակերպումներին, լսարան։
• Վարել մարքեթինգային միջոցառումների, արշավների, նյութերի, ծառայություններ մատուցողների և արդյունքների վերաբերյալ անհրաժեշտ հաշվառումը։
• Վերահսկել արտաքին ծառայություններ մատուցողների աշխատանքների որակը, ժամկետները և պայմանագրային պարտավորությունների կատարումը։
• Մշակել մարքեթինգային ծառայությունների ձեռքբերման համար անհրաժեշտ տեխնիկական բնութագրեր, ստեղծագործական առաջադրանքներ և աշխատանքների նկարագրություններ։

Անհրաժեշտ հմտություններ

• Բարձրագույն կրթություն՝ մարքեթինգի, հաղորդակցության, բիզնեսի կառավարման, հասարակայնության հետ կապերի, գովազդի կամ հարակից ոլորտներում։
• Առնվազն 3 տարվա աշխատանքային փորձ մարքեթինգի, հաղորդակցության, գովազդի կամ հարակից ոլորտներում։
• Մարքեթինգային կամ PR արշավների պլանավորման և իրականացման, մամուլի ներկայացուցիչների հետ համագործակցության գործնական փորձ։
• Վերլուծական տվյալների և մարքեթինգային ցուցանիշների հետ աշխատանքի փորձ։
• Ստեղծագործական առաջադրանքների մշակման և արտաքին մատակարարների/գործակալությունների աշխատանքների համակարգման փորձ։
• Հայերեն և անգլերեն լեզուների գերազանց գրավոր և բանավոր իմացություն։ Ռուսերենի իմացությունը կդիտարկվի որպես առավելություն։
• Միաժամանակ մի քանի նախագծեր և ժամկետներ կառավարելու ունակություն։
• Գործնական գիտելիքներ հետևյալ գործիքների և ուղղությունների վերաբերյալ․ Meta Business Suite / Meta Ads Manager, Google Analytics / Google Ads , Microsoft Office, մասնավորապես՝ Excel և PowerPoint, Canva, Adobe Creative Cloud և/կամ տեսողական բովանդակության ստեղծման այլ գործիքներ

Նկարագրություն

Մասնագետը իրականացնում է պայմանագրերի դիտարկման և հաստատությունների կողմից ներկայացվող հայտերի գործընթացի գործառնական փուլերը՝ ապահովելով փաստաթղթերի համապատասխանությունը, հավաքագրված տվյալների ճիշտ մշակումն ու տեղազննումների աջակցությունը, ինչպես նաև համագործակցում ավագ մասնագետի և խմբի ղեկավարի հետ՝ գործընթացների արդյունավետության բարձրացման համար։

Աշխատանքային պարտականություններ

• Դիտարկել բուժհաստատությունների կողմից ներկայացված հայտերի փաթեթները
• Ստուգել հայտերի և կից փաստաթղթերի ամբողջականությունն ու համապատասխանությունը սահմանված պահանջներին
• Բացահայտել թերությունները և աջակցել հայտերի ամբողջականացման գործընթացին
• Կազմել և ստուգել պայմանագրային փաստաթղթերը
• Համակարգել պայմանագրերի ստորագրման և փոփոխման գործընթացը
• Մասնակցել տեղազննումներին
• Արձանագրել դիտարկումների արդյունքները
• Կապ պահպանել բուժհաստատությունների հետ ընթացիկ պայմանագրային հարցերի շուրջ
• Փոխանցել հայտնաբերված խնդիրները ավագ մասնագետին կամ խմբի ղեկավարին

Անհրաժեշտ հմտություններ

• Բարձրագույն կամ միջին մասնագիտական կրթություն (իրավաբանական, բժշկական, կառավարման կամ հարակից ոլորտում՝ ցանկալի)
• Պայմանագրերի կամ փաստաթղթաշրջանառության ոլորտում աշխատանքային փորձը կդիտվի որպես առավելություն
• Վերլուծական մտածողություն և մանրուքների նկատմամբ ուշադրություն
• Լավ հաղորդակցման և թիմային աշխատանքի հմտություններ
• MS Office ծրագրերի լավ իմացություն
• Հայերենի գերազանց իմացություն

Նկարագրություն

Մասնագետը կմասնակցի գնումների պլանների կազմմանը և իրականացմանը, անհրաժեշտ փաստաթղթերի նախապատրաստմանը, գնումների ընթացակարգերի կազմակերպմանը, առաջարկների ընդունման և գնահատման գործընթացներին, ինչպես նաև համապատասխան հաշվառման և փաստաթղթաշրջանառության վարմանը։ Պաշտոնը նախատեսում է սերտ համագործակցություն թիմի անդամների և տարբեր շահագրգիռ կողմերի հետ, ուստի կարևոր են ՀՀ գնումների օրենսդրության իմացությունը, հաղորդակցման և բանակցությունների հմտությունները, ուշադրությունը մանրուքների նկատմամբ և միաժամանակ մի քանի առաջադրանք արդյունավետ կառավարելու կարողությունը։

Աշխատանքային պարտականություններ

• Մասնակցել Հիմնադրամի տարեկան և ընթացիկ գնումների պլանների կազմմանը և իրականացմանը։
• Նախապատրաստել գնումների ընթացակարգերի իրականացման համար անհրաժեշտ փաստաթղթեր, հայտարարություններ, հրավերներ և այլ նյութեր։
• Ապահովել գնման ընթացակարգի և դրան առնչվող փաստաթղթերի կազմումը` գնումների մասին ՀՀ օրենսդրությամբ սահմանված պահանջներին համապատասխան։
• Մասնակցել առաջարկների ընդունման, գնահատման և ամփոփման գործընթացներին։
• Վարել գնումների գործընթացների վերաբերյալ համապատասխան հաշվառումներ և փաստաթղթաշրջանառություն։

Անհրաժեշտ հմտություններ

• Բակալավրի/մագիստրոսի որակավորում տնտեսագիտության, ֆինանսների կամ բիզնեսի կառավարման ոլորտներում,
• Հայերեն, անգլերեն և ռուսերեն լեզուներով գրավոր և բանավոր հաղորդակցման հմտություններ,
• Առնվազն 1 տարվա աշխատանքային փորձ ապրանքների , ծառայությունների և աշխատանքների գնումների ոլորտում,
• Գնումների մասնագետի որակավորման առկայություն,
• ՀՀ գնումների օրենսդրության, ընթացակարգերի և պահանջների լավ իմացություն,
• Գրավոր և բանավոր հաղորդակցման, ինչպես նաև բանակցությունների վարման ունակություններ,
• Ռազմավարական մտածողություն, աշխատանքի կազմակերպման, պլանավորման և գերակայությունների սահմանման հմտություններ,
• Թիմում և ինքնուրույն աշխատելու ունակություններ,
• Մասնագիտական հաղորդակցման հմտություններ՝ խմբի անդամների, շահագրգիռ կողմերի, գործընկեր կազմակերպությունների միջև համագործակցությունն ապահովելու համար,
• Ժամանակի արդյունավետ կառավարման հմտություններ՝ միաժամանակյա առաջադրանքներ կատարելու և առաջադրված վերջնաժամկետները պահպանելու նպատակով,

Նկարագրություն

Մասնագետը իրականացնում է մեթոդաբանության կիրառման և որակի կառավարման գործառնական աշխատանքների հիմնական մասը։ Նա ապահովում է որակի վերահսկման գործընթացների իրականացումը, տվյալների հավաքագրումն ու մշակումը, ինչպես նաև մեթոդաբանական փաստաթղթերի նախապատրաստումն ու թարմացումը՝ համագործակցելով ավագ մասնագետի և խմբի ղեկավարի հետ։

Աշխատանքային պարտականություններ

• Մասնակցել մեթոդաբանական փաստաթղթերի, կարգերի և ուղեցույցների մշակմանն ու թարմացմանը
• Ապահովել փաստաթղթերի ձևավորումը, արխիվացումը և հասանելիությունը
• Իրականացնել որակի մոնիթորինգ և վերահսկում սահմանված մեխանիզմների համաձայն
• Հավաքագրել, մուտքագրել և համակարգել որակի ցուցանիշների տվյալները
• Ապահովել տվյալների ճշգրտությունն ու ամբողջականությունը
• Հավաքագրել և ամփոփել հաճախորդների և շահառուների հետադարձ կապը և բողոքները
• Իրականացնել նախնական վերլուծություն և պատրաստել ամփոփումներ
• Աջակցել ներքին աուդիտների, գնահատումների և ստուգումների իրականացմանը
• Մասնակցել գործընթացների փաստաթղթավորմանը
• Կազմել նախնական հաշվետվություններ, ամփոփումներ և վերլուծական նյութեր
• Աջակցել հաշվետվությունների ձևավորմանը

Անհրաժեշտ հմտություններ

• Բարձրագույն կամ միջին մասնագիտական կրթություն
• Վերլուծական մտածողություն
• Փաստաթղթերի հետ աշխատանքի հմտություններ
• Տվյալների կառավարման կարողություններ
• Կազմակերպչական հմտություններ

Նկարագրություն

Փնտրում ենք Կոմունիկացիոն կենտրոնի օպերատոր՝ մեր պրոֆեսիոնալ թիմին միանալու և հաճախորդների սպասարկման բարձր մակարդակ ապահովելու համար։ Հաստիքը ենթադրում է պատասխանատու մոտեցում, արդյունավետ հաղորդակցում և ներքին ընթացակարգերի խիստ պահպանում։

Աշխատանքային պարտականություններ

• Մուտքային զանգերի ընդունում և հաճախորդների հարցերի ճշգրիտ ու ժամանակին սպասարկում
• Կատարել ելքային զանգեր՝ ապահովագրական ծառայությունների վերաբերյալ տեղեկատվություն տրամադրելու և կապը հաճախորդների ու գործընկերների հետ պահպանելու նպատակով
• Ապահովագրական ծառայությունների և պայմանների վերաբերյալ տեղեկատվության տրամադրում
• Հաճախորդների դիմումների, հարցերի և բողոքների գրանցում համակարգում
• Հաճախորդների զանգերի ուղղորդում համապատասխան մասնագետներին
• Ներքին ընթացակարգերի և ծառայությունների որակի ստանդարտների պահպանում
• Մասնակցել ներքին ուսուցումներին և ինքնազարգացման ծրագրերին

Անհրաժեշտ հմտություններ

• Բարձրագույն կամ միջնակարգ մասնագիտական կրթություն
• Հայերենի գերազանց իմացություն (ռուսերենի և անգլերենի իմացությունը կդիտվի որպես առավելություն)
• Համակարգչային ծրագրերի (MS Office, CRM համակարգեր) հիմնական գիտելիքներ
• Բանավոր և գրավոր հաղորդակցության գերազանց հմտություններ
• Սթրեսակայունություն և պատասխանատվության բարձր մակարդակ
• Աշխատանքային փորձ Կոմունիկացիոն կենտրոնում կամ հաճախորդների սպասարկման ոլորտում կդիտվի որպես առավելություն
• Թիմում աշխատելու և արագ կողմնորոշվելու կարողություն