Թափուր հաստիքներ

Նկարագրություն

Մեթոդաբանության և որակի կառավարման թիմի ղեկավարը կմիացվի Պայմանագրերի, մեթոդաբանության և որակի կառավարման բաժնին և կլինի պատասխանատու կազմակերպության մեթոդաբանական և որակի կառավարման ամբողջական համակարգի մշակման, ներդրման և շարունակական բարելավման համար։ Այս դերում Դուք կառաջնորդեք թիմ, կսահմանեք որակի ստանդարտներ և կապահովեք դրանց հետևողական կիրառումը կազմակերպության բոլոր մակարդակներում՝ ուղղակիորեն նպաստելով առողջապահական համակարգի արդյունավետության բարձրացմանը։

Աշխատանքային պարտականություններ

• Մշակել և իրականացնել մեթոդաբանության և որակի կառավարման ռազմավարություն
• Սահմանել որակի կառավարման երկարաժամկետ և կարճաժամկետ նպատակներ
• Ապահովել որակի կառավարման համակարգի ինտեգրումը կազմակերպության ընդհանուր կառավարման համակարգին
• Սահմանել ծառայությունների մատուցման ստանդարտներ և որակական չափանիշներ
• Պարբերաբար վերանայել և թարմացնել մեթոդաբանական փաստաթղթերը
• Ապահովել մեթոդաբանության հասանելիությունն ու կիրառելիությունը բոլոր ստորաբաժանումների համար
• Սահմանել որակի չափման ցուցանիշներ (KPI/ՀԿՑ) և գնահատման մեխանիզմներ
• Կազմակերպել որակի մոնիթորինգ, ներքին աուդիտներ և գնահատումներ
• Վերլուծել որակի ցուցանիշների շեղումները և դրանց պատճառահետևանքային կապերը
• Վերահսկել շտկող և կանխարգելիչ գործողությունների իրականացումը
• Ղեկավարել ավագ, միջին և կրտսեր մասնագետների աշխատանքը

Անհրաժեշտ հմտություններ

• Բարձրագույն կրթություն համապատասխան մասնագիտությամբ (առողջապահական համակարգ, կառավարում, տնտեսագիտություն կամ հարակից ուղղություններ)
• Որակի կառավարման համակարգերում և մեթոդաբանական աշխատանքում փորձ
• Թիմի ղեկավարման և կառավարման ապացուցված փորձառություն
• KPI/ՀԿՑ սահմանման և վերլուծության հմտություններ
• Ներքին աուդիտների և գնահատումների կազմակերպման փորձ
• Հաշվետվությունների կազմման և ղեկավարությանը ներկայացնելու հմտություններ
• Գերազանց հաղորդակցման և միջանձնային հմտություններ

Նկարագրություն

Փնտրում ենք Կոմունիկացիոն կենտրոնի օպերատոր՝ մեր պրոֆեսիոնալ թիմին միանալու և հաճախորդների սպասարկման բարձր մակարդակ ապահովելու համար։ Հաստիքը ենթադրում է պատասխանատու մոտեցում, արդյունավետ հաղորդակցում և ներքին ընթացակարգերի խիստ պահպանում։

Աշխատանքային պարտականություններ

• Մուտքային զանգերի ընդունում և հաճախորդների հարցերի ճշգրիտ ու ժամանակին սպասարկում
• Կատարել ելքային զանգեր՝ ապահովագրական ծառայությունների վերաբերյալ տեղեկատվություն տրամադրելու և կապը հաճախորդների ու գործընկերների հետ պահպանելու նպատակով
• Ապահովագրական ծառայությունների և պայմանների վերաբերյալ տեղեկատվության տրամադրում
• Հաճախորդների դիմումների, հարցերի և բողոքների գրանցում համակարգում
• Հաճախորդների զանգերի ուղղորդում համապատասխան մասնագետներին
• Ներքին ընթացակարգերի և ծառայությունների որակի ստանդարտների պահպանում
• Մասնակցել ներքին ուսուցումներին և ինքնազարգացման ծրագրերին

Անհրաժեշտ հմտություններ

• Բարձրագույն կամ միջնակարգ մասնագիտական կրթություն
• Հայերենի գերազանց իմացություն (ռուսերենի և անգլերենի իմացությունը կդիտվի որպես առավելություն)
• Համակարգչային ծրագրերի (MS Office, CRM համակարգեր) հիմնական գիտելիքներ
• Բանավոր և գրավոր հաղորդակցության գերազանց հմտություններ
• Սթրեսակայունություն և պատասխանատվության բարձր մակարդակ
• Աշխատանքային փորձ Կոմունիկացիոն կենտրոնում կամ հաճախորդների սպասարկման ոլորտում կդիտվի որպես առավելություն
• Թիմում աշխատելու և արագ կողմնորոշվելու կարողություն

Նկարագրություն

Համապատասխանության մասնագետը կապահովի համապատասխանության ռիսկերի ժամանակին բացահայտումն ու գնահատումը, կհետևի օրենսդրական և կարգավորող փոփոխություններին և կմասնակցի Հիմնադրամի ներքին քաղաքականությունների ու ընթացակարգերի համապատասխանության գնահատմանը և բարելավմանը։

Աշխատանքային պարտականություններ

• Մշտադիտարկել Հիմնադրամի գործունեության համապատասխանությունը ՀՀ օրենսդրությանը, կարգավորող պահանջներին և ներքին ակտերին։
• Բացահայտել, գնահատել և մոնիթորինգի ենթարկել համապատասխանության ռիսկերը, այդ թվում՝ շահերի բախման, կոռուպցիայի և խարդախության ռիսկերը։
• Հետևել օրենսդրական և կարգավորող փոփոխություններին և ներկայացնել դրանցից բխող առաջարկություններ։
• Մասնակցել ներքին քաղաքականությունների, ընթացակարգերի և այլ փաստաթղթերի մշակման ու վերանայման աշխատանքներին։
• Իրականացնել գործընթացների և ծրագրերի համապատասխանության գնահատումներ։
• Պատրաստել մասնագիտական եզրակացություններ, վերլուծություններ և հաշվետվություններ Գլխավոր տնօրենի ու հոգաբարձուների խորհրդի համար։
• Համագործակցել Հիմնադրամի ստորաբաժանումների հետ՝ համապատասխանության խնդիրների կանխարգելման և լուծման նպատակով։

Անհրաժեշտ հմտություններ

• Բարձրագույն կրթություն՝ իրավագիտության, ֆինանսների, տնտեսագիտության, կառավարման, ռիսկերի կառավարման կամ հարակից ոլորտում։
• Առնվազն 3 տարվա մասնագիտական փորձ համապատասխանության, ներքին վերահսկողության, ռիսկերի կառավարման, իրավական, աուդիտի կամ հարակից ոլորտներում։
• ՀՀ օրենսդրության և համապատասխանության կառավարման սկզբունքների լավ իմացություն։
• Ուժեղ վերլուծական, քննադատական և համակարգային մտածողություն։
• Բարձր պատասխանատվություն, բարեվարքություն, օբյեկտիվություն և մանրուքների նկատմամբ ուշադրություն։
• Գերազանց հայերեն և լավ աշխատանքային անգլերեն։
• MS Office-ի, մասնավորապես՝ Word և Excel-ի լավ իմացություն։

Աշխատանքային պարտականություններ

• Ակտուարական հաշվարկների, վերլուծությունների և կանխատեսումների իրականացում
• Ակտուարական մոդելների մշակում, կիրառում և կատարելագործում՝ առողջապահական ծախսերի, ապահովագրական պարտավորությունների և ֆինանսական ցուցանիշների կանխատեսման նպատակով
• Ապահովագրված անձանց թվաքանակի, ժողովրդագրական և բժշկական ծառայությունների օգտագործման տվյալների քանակական վերլուծություն
• Ապահովագրական ռիսկերի, ակնկալվող հատուցումների և առողջապահական ծախսերի գնահատում
• Մասնակցություն ապահովագրավճարների, պահուստների և պարտավորությունների հաշվարկման գործընթացներին
• Մասնակցություն Հիմնադրամի ֆինանսական պլանավորման և երկարաժամկետ կայունության գնահատման աշխատանքներին
• Ակտուարական հաշվետվությունների, վերլուծական նյութերի և եզրակացությունների պատրաստում ղեկավարության համար

Անհրաժեշտ հմտություններ

• Առնվազն 5 տարվա աշխատանքային փորձ ակտուարական և վիճակագրական մոդելավորման ոլորտում
• Քանակական, ֆինանսական և ռիսկերի վերլուծության հմտություններ
• Մեծածավալ տվյալների մշակման, վերլուծության և տվյալների որակի գնահատման հմտություններ
• Excel-ի բարձր մակարդակի իմացություն և տվյալների վերլուծության գործիքների կիրառման հմտություններ
• Ակտուարական մոդելների կառուցման, փորձարկման, վավերացման և փաստաթղթավորման հմտություններ
• Սցենարային, զգայունության և կանխատեսող վերլուծությունների իրականացման հմտություններ