Առողջության համընդհանուր ապահովագրության հիմնադրամի գլխավոր տնօրենի` սույն թվականի հունիսի 24-ին կայացած մրցութային ընտրության արդյունքում ընտրված անձի՝ Ռուբեն Մելքոնյանի հետ, բանակցություններ են ընթացել աշխատանքային պարտականություններին անցնելու ժամկետների և պայմանների վերաբերյալ։ Արդյունքում, սակայն, աշխատանքի` ներկայացված պաշտոնական առաջարկին, Ռուբեն Մելքոնյանի պաշտոնական համաձայնության բացակայության պայմաններում՝ թափուր պաշտոնի առաջացման հիմքով, նախատեսվում է անցկացնել մրցութային նոր ընտրություն՝ ՀՀ օրենսդրության և Առողջության համընդհանուր ապահովագրության հիմնադրամի կանոնադրության համաձայն։
Հաշվի առնելով Առողջության համընդհանուր ապահովագրության հիմնադրամի բնականոն գործունեության և ընթացիկ կառավարման պատշաճ ապահովման անհրաժեշտությունը՝ մինչև գլխավոր տնօրենի թափուր պաշտոնի սահմանված կարգով համալրումը, օրենքի համաձայն, հիմնադրամի գլխավոր տնօրենի պաշտոնակատար է նշանակվել Հայկ Բաբայանը, որը սահմանված ժամկետում կանցնի պարտականությունների կատարմանը։