Թափուր հաստիքներ

Նկարագրություն

Փնտրում ենք Կոմունիկացիոն կենտրոնի օպերատոր՝ մեր պրոֆեսիոնալ թիմին միանալու և հաճախորդների սպասարկման բարձր մակարդակ ապահովելու համար։ Հաստիքը ենթադրում է պատասխանատու մոտեցում, արդյունավետ հաղորդակցում և ներքին ընթացակարգերի խիստ պահպանում։

Աշխատանքային պարտականություններ

• Մուտքային զանգերի ընդունում և հաճախորդների հարցերի ճշգրիտ ու ժամանակին սպասարկում
• Կատարել ելքային զանգեր՝ ապահովագրական ծառայությունների վերաբերյալ տեղեկատվություն տրամադրելու և կապը հաճախորդների ու գործընկերների հետ պահպանելու նպատակով
• Ապահովագրական ծառայությունների և պայմանների վերաբերյալ տեղեկատվության տրամադրում
• Հաճախորդների դիմումների, հարցերի և բողոքների գրանցում համակարգում
• Հաճախորդների զանգերի ուղղորդում համապատասխան մասնագետներին
• Ներքին ընթացակարգերի և ծառայությունների որակի ստանդարտների պահպանում
• Մասնակցել ներքին ուսուցումներին և ինքնազարգացման ծրագրերին

Անհրաժեշտ հմտություններ

• Բարձրագույն կամ միջնակարգ մասնագիտական կրթություն
• Հայերենի գերազանց իմացություն (ռուսերենի և անգլերենի իմացությունը կդիտվի որպես առավելություն)
• Համակարգչային ծրագրերի (MS Office, CRM համակարգեր) հիմնական գիտելիքներ
• Բանավոր և գրավոր հաղորդակցության գերազանց հմտություններ
• Սթրեսակայունություն և պատասխանատվության բարձր մակարդակ
• Աշխատանքային փորձ Կոմունիկացիոն կենտրոնում կամ հաճախորդների սպասարկման ոլորտում կդիտվի որպես առավելություն
• Թիմում աշխատելու և արագ կողմնորոշվելու կարողություն

Նկարագրություն

Մասնագետը աջակցում է բաժնի կողմից իրականացվող բուժօգնության որակի գնահատման և վերահսկման գործառնական, վերլուծական և կազմակերպչական աշխատանքներին։ Պաշտոնի հիմնական նպատակը սահմանված մեթոդաբանության շրջանակում տվյալների հավաքագրումն ու համակարգումն է, ստուգման թերթիկների և գնահատման գործիքների կիրառումը, հիվանդների հետադարձ կապի ամփոփումը և հաշվետվությունների նախապատրաստմանը աջակցելը։

Աշխատանքային պարտականություններ

• մասնակցել բուժօգնության որակի գնահատման և վերահսկման մեթոդաբանության, չափորոշիչների, ցուցիչների և գնահատման գործիքակազմի գործնական կիրառմանը
• աջակցել հեռակա ուսումնասիրությունների և առկա ստուգայցերի կազմակերպմանը, նախապատրաստմանը և իրականացմանը
• հավաքագրել, համակարգել և նախնական մշակել բժշկական կազմակերպություններից ստացված փաստաթղթերը, ցուցանիշները և այլ անհրաժեշտ տեղեկատվությունը
• լրացնել և վարել ստուգայցերի ընթացքում կիրառվող ստուգման թերթիկները (check-list)՝ սահմանված չափորոշիչների համաձայն
• մասնակցել ստուգայցերի արդյունքների հիման վրա հաշվետվությունների, ամփոփագրերի և տեղեկանքների նախապատրաստմանը
• հավաքագրել և ամփոփել բուժօգնության որակի ցուցանիշների, անհամապատասխանությունների, հիվանդների հետադարձ կապի և դիմում-բողոքների վերաբերյալ տվյալները
• աջակցել բալային գնահատման համակարգի շրջանակում տվյալների մուտքագրմանը և նախնական վերլուծությանը
• մասնակցել հարցաթերթիկների, տվյալների հավաքագրման ձևաչափերի և ծառայությունների ոլորտային հավելվածների կիրառմանը
• ապահովել փաստաթղթերի և էլեկտրոնային տվյալների պատշաճ պահպանումը, համակարգումը և գաղտնիությունը

Անհրաժեշտ հմտություններ

• բարձրագույն կրթություն հետևյալ ոլորտներից առնվազն մեկում՝ բժշկություն, հանրային առողջություն, առողջապահության կառավարում, առողջապահական որակի կառավարում, առողջապահական տնտեսագիտություն, դեղագիտություն կամ հարակից ոլորտ
• առնվազն 1-3 տարվա աշխատանքային փորձ առողջապահության, բուժօգնության որակի կառավարման/գնահատման, առողջապահության վարչարարության, հանրային առողջության կամ հարակից ոլորտում
• առողջապահության համակարգի, բժշկական օգնության և սպասարկման կազմակերպման սկզբունքների, բուժօգնության որակի և հիվանդի անվտանգության հիմնական հասկացությունների իմացություն
• տվյալների հավաքագրման, փաստաթղթավորման, հաշվետվությունների և ամփոփագրերի պատրաստման կարողություն
• MS Office, հատկապես Excel-ի, էլեկտրոնային փաստաթղթերի և թվային գործիքների կիրառման հմտություն
• հայերեն գրավոր և բանավոր հաղորդակցման բարձր մակարդակ
• գաղտնի տեղեկատվության, անձնական և բժշկական տվյալների հետ էթիկապես և պատասխանատու աշխատելու կարողություն

Նկարագրություն

Լիազորությունների ժամկետ՝ 5 տարի Ընտրության կարգը՝ մրցութային, ընտրվում է «Առողջության համընդհանուր ապահովագրության մասին» օրենքով նախատեսված մրցութային հանձնաժողովի կողմից։ Հոգաբարձուների խորհրդի անդամը չի համարվում Հիմնադրամում պաշտոն զբաղեցնող անձ, իր պարտականությունները կատարում է առանց վարձատրության՝ հասարակական հիմունքներով։ Որակավորման պահանջներ • Հայաստանի Հանրապետության քաղաքացիություն • Տարիքը՝ 35 տարին լրացած Սահմանափակումներ Հոգաբարձուների խորհրդի անդամ չի կարող ընտրվել անձը, որը՝ • Դատապարտվել է դատարանի օրինական ուժի մեջ մտած դատավճռի հիման վրա, և դատվածությունը սահմանված կարգով հանված կամ մարված չէ․ • Օրենքով սահմանված կարգով ճանաչվել է անգործունակ կամ սահմանափակ գործունակ․ • Արդեն Հիմնադրամում զբաղեցնում է ցանկացած պաշտոն․ • Ունի օրենքով սահմանված այլ սահմանափակում։ Իրավունքները • Առաջարկություններ է ներկայացնում Հոգաբարձուների Խորհրդի նիստերի օրակարգի և քննարկվող հարցերի վերաբերյալ • Կարող է ստանալ տեղեկություններ Հիմնադրամի գործունեությանը վերաբերող ցանկացած հարցի վերաբերյալ • Իրականացնել օրենքով և կանոնադրությամբ նախատեսված այլ իրավունքներ։ Լիազորությունների դադարեցման հիմքեր • Սեփական դիմումի համաձայն․ • Լիազորությունների պատշաճ չկատարելու դեպքում՝ հոգաբարձուների խորհրդի մնացած անդամների ձայների առնվազն 3/4-ով, եթե նման հնարավորություն նախատեսված է հիմնադրամի կանոնադրությամբ. • Լիազորությունների ժամկետի ավարտման դեպքում․ • Դադարել են Հիմնադրամի հոգաբարձուների խորհրդի անդամների ընդհանուր թվի կեսի կամ կեսից ավելիի լիազորությունները. • Դատարանի` օրինական ուժի մեջ մտած վճռով անգործունակ ճանաչվելու դեպքում. • Նրա մահվան դեպքում․ • Օրենսդրությամբ նախատեսված այլ դեպքեր։

Աշխատանքային պարտականություններ

• Մասնակցում է հիմնադրամի բյուջեի և դրա փոփոխությունների, գործունեության հաշվետվություններում ներառվելիք ոչ ֆինանսական գործունեության արդյունքների և Հիմնադրամի գործունեությունը բնութագրող ցուցանիշների, տարեկան ֆինանսական հաշվետվությունների և Հիմնադրամի գործունեության տարեկան հաշվետվությունների հաստատմանը
• Մասնակցում է հիմնադրամի կանոնադրության մեջ փոփոխություններ և լրացումներ կատարելու, նոր խմբագրությամբ կանոնադրություն հաստատելու մասին որոշումների ընդունմանը
• Մասնակցում է հիմնադրամի ֆինանսատնտեսական գործունեության վերահսկմանը
• Մասնակցում է հիմնադրամի որոշումների կատարման ընթացքի վերահսկմանը
• Մասնակցում է հիմնադրամի կառուցվածքի և հաստիքացուցակի հաստատմանը
• Մասնակցում է ՀՀ օրենսդրությամբ նախատեսված Հիմնադրամի ֆինանսական հաշվետվությունների հրապարակմանը և հանրայնացման նկատմամբ վերահսկողությանը
• Մասնակցում է աուդիտ իրականացնող անձի ընտրության արդյունքների հաստատմանը

Անհրաժեշտ հմտություններ

• Ունի առողջապահության կառավարման կամ ֆինանսների բնագավառներում Հայաստանի Հանրապետության օրենսդրության պահանջներին համապատասխան բարձրագույն կրթություն
• Ունի առողջապահության կառավարման կամ ֆինանսների բնագավառներում մասնագիտական աշխատանքի առնվազն տասը տարվա ստաժ, հարգանք է վայելում հասարակության շրջանում և ունի անբասիր գործարար համբավ
• Բավարարում է Հիմնադրամի կանոնադրությամբ սահմանված այլ պահանջներին

Նկարագրություն

Լիազորությունների ժամկետ՝ 5 տարի (կարող է վերընտրվել նույն ժամկետով, բայց ոչ ավելի, քան մեկ անգամ)։ Ընտրության կարգը՝ մրցութային, ընտրվում է «Առողջության համընդհանուր ապահովագրության մասին» օրենքով նախատեսված մրցութային հանձնաժողովի կողմից։ Ընդհանուր տեղեկություններ՝ իրականացնում է Հիմնադրամի ընթացիկ գործունեության ղեկավարում։ Ենթակայություն՝ հաշվետու է Հոգաբարձուների խորհրդին։ Որակավորման պահանջներ` • Հայաստանի Հանրապետության քաղաքացիություն • Տարիքը՝ 35 տարին լրացած Անհամատեղելիության պայմաններ • Չի կարող պաշտոն զբաղեցնել պետական կամ տեղական ինքնակառավարման մարմիններում․ • Չի կարող որևէ պաշտոն զբաղեցնել առևտրային կազմակերպություններում․ • Չի կարող զբաղվել ձեռնարկատիրական գործունեությամբ․Չի կարող կատարել վճարովի այլ աշխատանք (բացի գիտական, կրթական և ստեղծագործական աշխատանքից)։ Լիազորությունների դադարեցման հիմքեր • Սեփական դիմումի համաձայն • Այլ պաշտոնում ընտրվելու կամ անհամատեղելի աշխատանքի անցնելու դեպքում • Երկարատև անաշխատունակություն (ավելի քան 6 ամիս անընդմեջ կամ վերջին տասներկու ամսվա ընթացքում 180 օր՝ 12 ամսվա ընթացքում՝ չհաշված հղիության և ծննդաբերության արձակուրդի օրերը) • Ավելի քան 3 օր անընդմեջ անհարգելի պատճառներով բացակայություն • Օրենքի պահանջների խախտմամբ նշանակվելու փաստի հայտնաբերում • Դատապարտվել է դատարանի՝ օրինական ուժի մեջ մտած դատավճռի հիման վրա, և դատվածությունը սահմանված կարգով հանված կամ մարված չէ․ • Դատարանի՝ օրինական ուժի մեջ մտած վճռով ճանաչվել է անգործունակ կամ սահմանափակ գործունակ կամ անհայտ բացակայող, ունի օրենքով սահմանված այլ սահմանափակում․ • Մեղադրական դատավճռի օրինական ուժի մեջ մտնելը • Օրենքով նախատեսված այլ հանգամանք

Աշխատանքային պարտականություններ

• Տնօրինում է Հիմնադրամի գույքի այդ թվում՝ ֆինանսական միջոցները, գործարքներ է կնքում Հիմնադրամի անունից, այդ թվում հօգուտ ապահովագրված անձանց պայմանագրերը
• Ներկայացնում է Հիմնադրամը Հայաստանի Հանրապետությունում և օտարերկրյա պետություններում
• Սահմանված կարգով կնքում է պայմանագրեր, այդ թվում` աշխատանքային
• Հոգաբարձուների խորհրդին է ներկայացնում Հիմնադրամի բյուջեի պահուստային ֆոնդի չափի և դրա կառավարման արդյունքների վերաբերյալ զեկույցը
• Իր իրավասության սահմաններում արձակում է հրամաններ, հրահանգներ, կատարման համար տալիս է պարտադիր ցուցումներ և վերահսկում դրանց կատարումը
• Սահմանված կարգով աշխատանքի է ընդունում և աշխատանքից ազատում է Հիմնադրամի աշխատողներին, նրանց նկատմամբ կիրառում է խրախուսանքի և կարգապահական պատասխանատվության միջոցներ

Անհրաժեշտ հմտություններ

• Բարձրագույն կրթություն՝ «Հաշվապահություն և հարկային գործ» կամ «Ֆինանսներ» մասնագիտություններով տնտեսագիտության մագիստրոսի կամ «Կառավարում» կամ «Շուկայագիտություն» մասնագիտություններով կառավարման մագիստրոսի կամ «Բիզնես վարչարարություն» մասնագիտությունով տնտեսագիտության մագիստրոսի՝ Հայաստանի Հանրապետության օրենսդրությանը համապատասխանող որակավորում
• Ապահովագրության կամ ֆինանսների կամ առողջապահության կառավարման ոլորտում առնվազն 10 տարվա աշխատանքային ստաժ
• Կանոնադրությամբ սահմանված մասնագիտական համապատասխանության և որակավորման պահանջների բավարարում